Piše: Miloš Lalatović
Neki od ponajčešćih oblika vladavina, ma kako se one formalno predstavljala jeste vaškokratija. Možda djeluje čudno, smiješno, ali nije. Potrebno je samo pogledati međuljudske odnose, lično držanje određenog čovjeka u nekim momentima, i zapaziti da je vaškokratija dominantan oblik vladavine u svijetu.
Bez obzira na kulturu, rasu, religiju, razne regionalne i geografske osobenosti. Vaška je vaška, ma kako formalno izgledala i predstavljala se. Možda je to i jedan od pokazatelja da su svi ljudi u suštini braća, pošto su naslijedili određenu osobinu, nastalu kao posledica pada prvih ljudi, vaško-oponašanje.
Vašljivost je dosadno parazitiranje određenih manjih buba, vaši, najčešće u kosi, a tada su valjda već odrasle, lako se prenose, potrebna je velika doza jakih otrova da bi se uklonile. Često ljudi moraju i da uklone kosu, tačnije ošišaju je do glave, kako bi se suzbila ova pošast. Mada i sve to nije siguran pokazatelj da su paraziti istrebljeni.
U svakodnevnom govoru za čovjeka koji pokazuje vašljive osobine, podrazumijeva se da je to besmisleno cinična osoba, ucjenjivački nastrojena, gotovo obavezno zloupotrebljava svoj položaj, naročito ako se dočepa višeg , a do koga je obično došla potkazivanjem, uhođenjem, laganjem, potkupljivanjem, falsifikovanjem, umanjivanjem vrijednosti tzv.konkurenata ili bilo koga na koga čovjek-vaška posumnja da mu može predstavljati opasnost.
Miloš Lalatović: Džon Lidon, osma decenija legende anarhizma
Osobina vaški, pa tako i ljudi-vaški jeste nevidljivo, skriveno djelovanje, dovođenje usled tog dejstva do nesnosnog svraba drugog čovjeka ili životinje, praktično do ludila, a ovaj ili to stvorenje, ipak nema izbora, bez da lupa glavom od zid.
Svjedoci smo da je u prošlosti vaškokratija obuhvatila čitav svijet sa svojim pseudo-sistemom vrijednosti, prijeteći svakom ko ne uđe u određene ušljive koalicije i ne pristane na isto takva ušljiva suđenja ušljivim sankcijama. Vaške su se bile toliko razmiljele da su čak obnovile i svoj avio arsenal letenja stalno prijeteći nekim agresijama. Sve je nekako bilo još i podnošljivo dok se nije vašljiva pravda toliko digla, da je odvodila svoje žrtve kuda je htjela, držali im neka ušljiva suđenja sa isto takvim dokazima.
Vašljivi sistemi se mijenjaju, ali teško da će se nekad zaista u potpunosti istrijebiti, jer dok ima vaški, ima i njihovih sistema vrijednosti, koji se mijenjaju u zavisnosti od okolnosti.
