I mi koji nismo simpatizeri i glasači Demokratske CG, možemo konstatovati i potvrditi da je Aleksa Bečić funkciju predsjednika Skupštine do sada obavljao korektno i odgovorno, bez opstrukcija. Inicijativu za njegovu smjenu podnijela je opozicija. Svako ko razmatra mogućnost da svojim glasom omogući opoziciji da ga smijeni, i to na samom početku pregovora o raspletu krize, ostaviće snažan utisak da služi interesima opozicije i produbljuje ionako duboku krizu. Dugoročan rezultat biće jačanje rejtinga Bečiču i još veće nepovjerenje prema onima koji bi eventualno odlučili da podrže inicijativu stranaka poraženog, bivšeg režima. Ali, najvažniji rezultat je još dublja kriza.
Ako postoji potreba da se u novom raspletu bira novi predsjednik Skupštine, onda demokratski principi sugerišu da to bude stvar dogovora demokratske većine a ne rezultat inicijative poraženih autokratskih i ekstremističkih partija. Dakle, nije riječ o Aleksi Bečiću koliko o demokratskim tekovinama izborne pobjede naroda. Današnji stav u kojem Bečić iskazuje spremnost na izvinjenje zbog teških riječi, dodatno obavezuje da se postigne dogovor između demokratskih snaga.
Luka Radonjić
Izvor: Fejsbuk
